ကလေး၊ ဒီဇင်ဘာ ၂၁-၂၀၁၈
မိုင်ချယ်ရီ(VOM)
စစ်ကိုင်းတိုင်း၊ ကလေးမြို့နယ်၊ သဇင်ရပ်ကွက်မှာ ရှိတဲ့ RC ခရစ်ယာန် ဘုန်းတော်ကြီး ကျောင်းဝန်း(ရိုမန်ကက်သလစ် အသင်းတော်)အတွင်းထဲမှာ ခရစ်တော်မွေးနေ့အမှတ်တရအဖြစ် ကလေးမြို့နယ်မှာရှိတဲ့ ဗုဒ္ဓဘာသာဘုန်းတော်ကြီး သံဃာ အပါး၁၀၀ ကို RC ခရစ်ယာန် ဘာသာဝင် ဘုန်းတော်ကြီးတွေက ဒီဇင်ဘာလ ၂၁ ရက်နေ့. နံနက် ၁၁ နာရီ အချိန်မှာ နေ့ဆွမ်းဆပ်ကပ်ခဲ့ပါတယ်။
ဒီလို ဆွမ်းကပ်တာနဲ့ ပတ်သတ်လို့”အချင်းချင်း ချစ်ကြည်ရင်းနှီးမှု ကို သယ်ဆောင်လာတဲ့ ငြိမ်းချမ်းခြင်း ပျော်ရွှင်ခြင်း ချစ်ခြင်းမေတ္တာ အဲ့ဒါတွေကို ဝေမျှတဲ့ အနေနဲ့ လုပ်ဆောင်တာ ဖြစ်ပါတယ်” လို့ ကလေးမြို့ဂိုဏ်းအုပ်ဆရာတော် ဖဲလစ်လျန်ခင်းထန် က ပြောပါတယ်။
ကလေးမြို့နယ်မှာ ရှိတဲ့ရိုမန်ကက်သလစ် အသင်းတော် ကျောင်းတိုက်ထဲမှာခရစ်တော်မွေးနေ့ အမှတ်တရ သံဃာ အပါး ၁၀၀ ကို ဆွမ်းကပ်လှူဒါန်းတာကို ၂၀၁၆ ခုနှစ်ထဲက စတင်ပြုလုပ်ခဲ့တာဖြစ်ပြီး ဒါနဲ့ဆိုရင် သုံးနှစ်ဆက်တိုက် ရှိပြီလို့လည်း သိရပါတယ်။
#voiceofmyanmar#ခရစ်တော်မွေးနေ့#သံဃာအပါး(၁၀၀)ဆွမ်းကပ်#
